كتبت سلمى محمد جابر
صرحت المطربة شيرين عبدالوهاب عن أزمتها مع شركة روتانا بمداخلة هاتفية مع الإعلامي عمرو أديب عبر برنامجه “الحكاية” التى يعرض على قناة MBC مصر، وأعربت عن سعادتها بالنجاح الكبير الذي تحققه أغانيها الجديدة، والفضل للجمهور الذي يدعمها، وللشعراء والملحنين والموزعين.
ابرز تصريحات شرين عبد الوهاب
مع كامل احترامي لكل اللي اتكلموا، كل كلامهم غلط حتى المحامي بتاعي لأنه موضحش للناس الموضوع.
تعاقدت مع “روتانا” وأنا نجمة الوطن العربي بعد ألبوم “لازم أعيش”، والعقد الذي بيننا ينص على أن شيرين عبدالوهاب لو لم يتم عمل دعاية لها توازي حجمها دوليا وعربيا، يُعتبر لاغي.
سلمت شركة روتانا وقت جائحة “كورونا” أغنية اسمها “مش قد الهوا” لم يتم عمل دعاية لها بخمسة جنيه، وبعدها أغنية “كلها غيرانة” نجحت جدا وكسبوا منها دون دعاية بستة جنيه، اتعلمت اسكت عشان بيتقال شيرين بتاعة مشاكل.
كان معايا واحد بيشتغل فجأة لقيته باع أغنية ليا لـ أنغامي بدون علمي ومشيته، ومفيش ورقة تنص على علمي بده، وكلمت مدير روتانا في مصر، إنه من حقه يقاضي المكان الآخر، واللي حصل إنهم قاضوني أنا واخدوا مني أنا.
وأخر اتصال هاتفي بيني وبين طوني سمعان بعد ما يئست من الدنيا واللي فيها، قلتله قول لأستاذ سالم الهندي ياخد كام ويحل عني، قالي إحنا عايزين الشرط الجزائي وتعويض.
تناشد شيرين عبدالوهاب مطربة عايزة بلدي تحميني من الكلام اللي بيحصل دلوقتي لإن أنا مغلطتش في حاجة.
