كتبت: ملك أحمد شعبان
كشف الفنان اللبناني عاصي الحلاني عن تحضيراته في الفترة الحالية لطرح مجموعة من الأغاني الجديدة، بتجمع بين اللهجتين المصرية واللبنانية، وأكد إنه بيشتغل على المشروع ده بحماس كبير، علشان يقدم حاجة مختلفة لجمهوره في الوطن العربي.
وقال الحلاني في تصريحاته، إنه مؤمن إن التنوع في اللهجات بيقرب الفنان من الناس، وبيفتح له أبواب جديدة للتواصل مع جمهور أوسع، وده اللي بيسعى ليه دايمًا في مشاريعه الغنائية. وأوضح إنه بيحب اللهجة المصرية، وبيعتبرها قريبة من القلب وسهلة الوصول للجمهور.
وبيشتغل عاصي مع مجموعة من الشعراء والملحنين في مصر ولبنان، وبيحرص يختار الكلمات والألحان اللي تعبر عن إحساسه وتليق بصوته، وأضاف إنه خلص تسجيل أكتر من أغنية، وبيخطط لطرحهم على فترات متقاربة.
واختتم كلامه بالتأكيد على سعادته برد فعل جمهوره على حفلاته الأخيرة، وأكد إنه بيجهز مفاجآت كبيرة الفترة الجاية، وبيوعد الجمهور إنه هيشوفه قريب في أكتر من عمل.
