كتبت جوليا كيرلس
وقعت إلهام شاهين ضحية الحلقة الــ21 من برنامج “رامز إيلون مصر”.
واستقبلها رامز بمقدمته الساخرة المعتادة فقال: “النهاردة حلقة اللعب مع الكبار وأنا في الحلقات دي كأني بلعب بالنار أنتم فاهمين يعني ايه تهزر مع أساطير الكار .
بصراحة كل سنة كنت بفكر أجيبها وفي آخر لحظة بتراجع عن القرار أصل دي لو حصلها حاجة هتخلي حياتي مرار لكن السنة دي مكانش قصادي اختيار.
قررت أصحي جوايا البطل المغوار وعلى رأى المثل مش هتستمتع بالفيلم إلا لما تأكل فشار ومش هتحس بالعيد إلا بطبق الممبار .
علشان كدا تحديت نفسي وقولت هي مين فنانة زي بقيت الفنانين معانا ومعاكم اللي بيتقي شرها كل الفنانات والفنانين إللي بنعمل حلقتها واحنا مرعوبين إلهام شاهين”.
ووجه رامز أثناء المقلب مجموعة من الأسئلة لإلهام شاهين، فسألها رامز عن سبب فقدانها للوزن وهل بسبب حب جديد أم لا؟.
فردت إلهام شاهين قائلة: “بدور بس مفيش راجل يستاهل بس أنا أستاهل”.
أما عن هجومها على الفنانات الرافضين لمشاهد القبلات وغيرها من المشاهد الجريئة فقالت: “أنا مش بهاجم أنا بقول اللي مش عاوزة تشتغل ومش محترمة المهنة دي متشتغلهاش”.
