كتب: عبدالحميد حزين
علق محمد أبوتريكة، نجم النادي الأهلي ومنتخب مصر السابق، عن ظهوره في إعلان إستاد الأهلي، وفرحه الشديد بمشاركته في هذا العظيم.
وقال أبوتريكة في تصريحات تليفزيونية: “مهما قدمنا له قليل الأهلي عمل اسمنا كلنا، أي حد عدى جنب سوار الأهلي له فضل عليه”.
وصرح أبوتريكة: “الكابتن ثابت البطل قالي لازم تتعود أن أي حد بيعدي جنب سور النادي بيتشهر، الأهلي له فضل على الجميع”.
وأضاف المايسترو: “مش معني أنك تعمل حاجة بدون مقابل أنك بتمن على النادي، أنا قاعد هنا علشان خاطر اسم الأهلي واسم مصر”.
وأشار أبوتريكة: ” لولا فضل الأهلي ومنتخب مصر، مكنتش قعدت هنا، دول كانوا السبب في قعدتي هنا، أنا بحب الجميع اللي بيشتم واللي بيمدح، من الاخلاص أن يتساوى عندك المدح والذم”.
وأختتم المايسترو: “في الأول والأخير مش هتعلمني أحب مصر ازاي، واحب الأهلي ازاي، وافيد مصر ازاي زي ما افادتني، مفيش حد يعلمني ازاي احب الأهلي ومصر”.
