كتبت/فاطمة أحمد أبوجلاب
هاجمت الإعلامية مروة صبري المخرجة إيناس الدغيدي بسبب أخر تصريحات لها
حيث تصدرت المخرجة إيناس الدغيدي التريند بعد أخر تصريحات لها من خلال ظهورها في أحد البرامج التلفزيونيه
مروة صبري تهاجم تريند إيناس الدغيدي
حيث هاجمت الإعلامية مروة صبري المخرجة إيناس الدغيدي بسبب تصريحتها الأخيرة عن المساكنة وأنها خاضت هذه التجربة قبل زواجها.
وقالت مروة صبري في برنامجها “: “طالعة بتقولي أنا عشت المساكنة قدام الناس كلها إذا بليتم فاستتروا ربنا سترني مطلعش أنا أفضح نفسي وأقول كده قدام الناس كلها”.
مروة صبري تهاجم إيناس الدغيدي
وتابعت مروة صبري: “صدمة كبيرة لكل الناس بعد ما سمعت التصريحات دي ويمكن الناس واخدة على أن المخرجة إيناس الدغيدي جريئة وصريحة وحرة في تفكيرها
ولكن مش للدرجة دي في حاجات مينفعش في حاجات ممكن أسيب مساحة لأني أكون معاكي أو ضدك وفي وقت وكلام وتصريحات وإجابات تودي في داهية”
تريند إيناس الدغيدي
وأكملت مروة صبري: “حضرتك مش محتاجة تريند خالص أنا عارفة أنك مبتحبيش تطلعي في البرامج وعارفه انك بترفضي إذا إنتي مش التارجت بتاعك تقولي حاجة تعملي تريند
زي معظم الفنانين والفنانات اللي بيحبوا يطلعوا يعملوا بلبلة حواليهم عشان الناس والمواقع تجيب سيرتهم إنتي مش كده.
وحتى لو كانت دي قناعاتك وإنتي شايفة أن دا تفكيرك اللي هو شاذ عن المجتمع والحياة لا يصح أنه يتقال مفيهوش اه أو لأ مرفوض جملة وتفصيلا عيشتي المساكنة إنتي حرة داري على نفسك”.
