كتبت / صباح جمال الدين
في أولى جلسات محاكمة عصام صاصا وشقيقه المنعقدة اليوم في محكمة الجنايات المختصة المنعقدة في محكمة زينهم لنظر أولى جلسات محاكمه وشقيقه واخرون في تزوير محرر رسمي ننقل لكم عبر نيوز بالعربي نص أقوال محمود الليثي في القضية قبل بدء الجلسات.
وبسؤال محمود الليثي في التحقيقات قال اللي حصل في حادث عصام اني كنت لسه مخلص حفلة واتصل بيا حد في المجال و قال الحق عصام صاصا عامل حادثه وخبط حد.
وجريت عليه ع الدائري ولما وصلت لقيت الراجل متوفي وعربية الشرطة واقفة وعصام منهار من البكاء وبيقول حق الراجل في رقبتي ليوم الدين هو وعياله وروحنا قسم الطالبية وعصام اتعرض ع النيابة وخد اخلاء سبيل من القسم بضمان مالي ٣٠ الف جنيه.
الليثي: معرفش حاجة عن التوكيل المزور.
استكمل الليثي أقواله ان بعد الحادث بيومين كلمه مدير اعمال عصام صاصا وقاله ان في محامي اسمه (محمد حموده) وعايزين نعرف اتعابه كام علشان عصام.
وروحت للمحامي فعلا وقعدت معاه انا وسيد صاحبي واتفقنا علي حوالي ٢ مليون جنيه اتعاب وبعدها مشيت وكلمت ندير اعماله وقولت له ان كله تمام.
وأضاف الليثي ان عصام صاصا صاحبه من ٢٠٢٣ وانه اتعرف عليه في فيلم وهو واد جدع وغلبان.
الليثي بيقول انه لما راح مكتب المحامي مكنش معاه اي مستندات ولا يعرف حاجة عن التوكيل المزور بتاع عصام كل الحكاية اني كنت وسيط بين المحامي عصام صاصا
تزوير توقيع عصام صاصا
كشفت تحقيقات النيابة في قضية تزوير توكيل عصام صاصا وتقرير أبحاث التزوير والتزييف ان عصام صاصا لم يحرر اي من التوقيعات الثابته بالتوكيل العام في القضايا رقم ٩٦٥/ أ لسنة ٢٠٢٤ مكتب توثيق مجلس النواب كما أنه لم يحرر اصل التوقيع المنسوب اليه الثابت بالصورة الضوئية من بطاقة تحقيق الشخصية وان المحرر التوقيعات شخص آخر غيره.
